Hemeroteca

Prensa 16-11-2020/ Que pasa na costa. «Aprendendo a identificar as emocións coas amigas da horta»

PRENSA 16-11-2020

Aprendendo a identificar as emocións coas amigas da horta

Aprendendo a identificar as emocións coas amigas da horta

Non é doado tratar coas criaturas de 3º e 4º de Educación Primaria temas tan importantes como os medos, as burlas, os prexuizos e a discriminación, as mentiras, as trampas, os celos, os castigos inxustos, as diferenzas físicas e culturais, a presión de grupo, a resolución de problemas ou a identificación de emocións.Para facelo dun xeito divertido e dinámico, a psicóloga Patricia Rodríguez Villar e a pedagoga Dalila Vizcaíno Regueira, ambas da Asociación Vieiro, están desenvolvendo nos centros carballeses o programa “Na Horta cos meus amigos/as”. As protagonistas son as propias hortalizas que contan experiencias persoas semellantes ás que viven os nenos desta idade.

INDEPENDENCIA E EMOCIÓN

O programa parte de dous premisas fundamentais: As nenas e os nenos que aprenden a pensar por si mesmos e a actuar de xeito independente teñen máis probabilidades de resistir a presión de grupo na adolescencia e aqueles/as que aprenden a estimarse, coñecerse e a ter boas relacións sociais teñen menos probabilidades de establecer condutas de risco.

O principal obxectivo deste programa é contribuír á maduración psicoafectiva, á adquisición de hábitos de saúde e benestar e ao comezo dun traballo preventivo sobre condutas de risco en etapas máis tempranas.

Un aspecto fundamental do mesmo, é a identificación de emocións, coñecendo os sentimentos máis comúns experimentados polos nenos/as de 8 e 9 anos. Trátase de conseguir que aprendan a expresar correctamente as súas emocións, de que falen do que senten, e a partir de aí comprender que eses sentimentos son compartidos polos seus compañeiros/as e que existen diferentes formas de reaccionar antes eles.

Con esta iniciativa trátase de potenciar os factores de protección: autoestima, responsabilidade, autonomía, afrontamiento, aceptación da diferenzas, regulación de emocións, etc., e de anular/reducir os factores de risco co fin de que os nenos/as estean preparados/as, protexidos/as e en condicións de rexeitar a oferta de consumo de sustancias, á que probablemente veranse expostos/as na adolescencia.

Este programa é gratuito Está subvencionado polo Servizo de prevención de Condutas Adictivas da Dirección Xeral de Innovación e Xestión de Saúde Pública da Consellería de Sanidade da Xunta de Galicia.

NOVAS RELACIONADAS

Fuente: Que pasa na costa

Comparte esto:

PRENSA 16-10-2020 / NH Diario: “En la huerta con mis amig@s”, programa de Vieiro para previr condutas de risco en escolares

Previous article

Un tercio de fumadores de cigarrillos electrónicos presentan lesiones pulmonares

Next article

You may also like

Comments

Comments are closed.

More in Hemeroteca