Hemeroteca

PRENSA 16-10-2020 / NH Diario: “En la huerta con mis amig@s”, programa de Vieiro para previr condutas de risco en escolares

PRENSA 16-10-2020 / NH Diario

  “En la huerta con mis amig@s”, programa de Vieiro para previr condutas…

“En la huerta con mis amig@s”, programa de Vieiro para previr condutas de risco en escolares

Cedida.

Por Redacción16 Novembro 2020

A Asociación Vieiro dentro da súa programación no ámbito escolar, puxo en marcha nos distintos centros educativos de educación primaria de Carballo o programa: “En la huerta con mis amig@s”, dirixido a nenos/as de 3º e 4º de Educación Primaria. Programa que é impartido pola psicóloga Patricia Rodríguez Villar e a pedagoga Dalila Vizcaíno Regueira.
EHA, como se describe este programa, está composto por 8 sesións de 55 minutos. Cada unha delas conta co seu respectivo conto, protagonizados todos eles por hortalizas que relatan situacións persoais que requiren unha solución e que son similares ás que viven os nenos nesta etapa evolutiva.

A través destes contos trabállanse de forma lúdica diferentes temas: os medos, as burlas, os prexuízos e a discriminación, as mentiras, as trampas, os celos, os castigos inxustos, as diferenzas físicas e culturais, a presión de grupo, a resolución de problemas e a identificación de emocións, entre outros.

Para a lectura dos contos, e co fin de favorecer o seguimento dos mesmos, utilízanse unha serie de presentacións animadas, para unha vez lida a historia dar paso a unha serie de actividades e dinámicas propostas para cada curso.

O programa parte de dúas premisas fundamentais: As nenas e os nenos que aprenden a pensar por si mesmos e a actuar de maneira independente teñen máis probabilidades de resistir a presión de grupo na adolescencia e aqueles/as que aprenden a estimarse, coñecerse e a ter boas relacións sociais teñen menos probabilidades de establecer condutas de risco. O principal obxectivo deste programa é contribuír á maduración psicoafectiva, á adquisición de hábitos de saúde e benestar e ao comezo dun traballo preventivo sobre condutas de risco en etapas máis temperás.

Un aspecto fundamental do mesmo, é a identificación de emocións, coñecendo os sentimentos máis comúns experimentados polos nenos/as de 8 e 9 anos. Trátase de conseguir que aprendan a expresar correctamente as súas emocións, de que falen do que senten, e a partir de aí comprender que eses sentimentos son compartidos polos seus compañeiros/as e que existen diferentes formas de reaccionar antes eles.

Con esta iniciativa trátase de potenciar os factores de protección: autoestima, responsabilidade, autonomía, afrontamento, aceptación das diferenzas, regulación de emocións, etc., e de anular/reducir os factores de risco co fin de que os nenos/as estean preparados/as, protexidos/as e en condicións de rexeitar a oferta de consumo de substancias, á que probablemente se verán expostos/as na adolescencia.

En primaria, este tipo de condutas, en xeral non adoitan detectarse. Pero é nela, cando se van configurando determinados trazos e comportamentos que conformarán o estilo de vida que os/as nenos/as terán despois e que poden determinar que este sexa saudable e, por tanto protector, ou pola contra, non sexa saudable e, en consecuencia, incremente a vulnerabilidade ás condutas de risco.

Este programa é gratuíto. Está subvencionado polo Servizo de prevención de Condutas Adictivas da Dirección Xeral de Innovación e Xestión de Saúde Pública da Consellería de Sanidade da Xunta de Galicia.

Fuente: NH Diario

Comparte esto:

PRENSA 16/11/2020: El correo de Bergantiños. Vieiro acerca a los más pequeños un programa centrado en el comportamiento humano

Previous article

Prensa 16-11-2020/ Que pasa na costa. «Aprendendo a identificar as emocións coas amigas da horta»

Next article

You may also like

Comments

Comments are closed.

More in Hemeroteca

Patrocinan

VIEIRO FORMA PARTE DE

Canales de comunicación

Calendario

marzo 2024
L M X J V S D
 123
45678910
11121314151617
18192021222324
25262728293031
× ¿Necesitas información?
Ir al contenido