PRENSA 10-12-2020/O CORREO DE BERGANTIÑOS
O concello carballés colabora con Vieiro cunha entrega de 6.000 euros
Contribuirán ao financiamento do programa de prevención da exclusión social levado a cabo pola entidade
![Representantes de Vieiro xunto ao alcalde carballés, Evencio Ferrero e a concelleira, Maica Ures na firma do convenio de colaboración. Foto: C. de Carballo. Representantes de Vieiro xunto ao alcalde carballés, Evencio Ferrero e a concelleira, Maica Ures na firma do convenio de colaboración. Foto: C. de Carballo.](http://www.elcorreogallego.es/binrepository/900x674/0c168/900d506/none/102922340/UYKX/09122020-convenio-vieiro_422-2300339_20201210131441.jpg 900w,//www.elcorreogallego.es/binrepository/750x562/0c140/750d422/none/102922340/UYXB/09122020-convenio-vieiro_422-2300339_20201210131441.jpg 750w,//www.elcorreogallego.es/binrepository/600x449/0c112/600d337/none/102922340/UYBR/09122020-convenio-vieiro_422-2300339_20201210131441.jpg 600w,//www.elcorreogallego.es/binrepository/450x337/0c84/450d253/none/102922340/UYWL/09122020-convenio-vieiro_422-2300339_20201210131441.jpg 450w,//www.elcorreogallego.es/binrepository/300x225/0c56/300d169/none/102922340/UYFE/09122020-convenio-vieiro_422-2300339_20201210131441.jpg 300w)
Carballo. O alcalde de Carballo, Evencio Ferrero, asinou este mércores un convenio de colaboración coa Asociación Antidroga Vieiro, que estivo representada pola súa presidenta, Fina Rey, Maripi Mata e Xosé María Arán. No acto, celebrado na Alcaldía, tamén asistiu a concelleira de Igualdade e Benestar, Maica Ures. O Concello realizará unha achega de 6.000 euros para financiar o programa de prevención da exclusión social que promove a entidade. A directiva agradeceu a colaboración municipal non só con esta axuda económica senón coa rápida solución á necesidade dun local a raíz do incendio que destruíu as antigas dependencias da asociación nas vivendas dos mestres.
As axudas directas outorgadas este ano polo Concello de Carballo ás entidades que desenvolven o seu labor no ámbito social achéganse aos 70.000 euros. Esta mesma semana a Xunta de Goberno Local aprobou outro convenio coa Agrupación Deportiva Un Paso Máis para financiar con 3.000 euros as actividades inclusivas que desenvolve a entidade.
Comments