• A entidade imparte cada semana o programa Quéreme ben

A pedagoga da asociación Vieiro, Dalila Viscaíno Regueira, foi a encargada de achegar esta semana o programa de educación afectivo sexual Quéreme ben ao CPI Cabo da Area de Laxe. Esta actividade está concibida para que os mozos coñezan as ferramentas que lles permitan adquirir capacidades para desenvolver unha vida afectiva responsable, satisfactoria e en igualdade.

O programa, que ten periodicidade semanal, levouse a cabo en formato de taller e en dous bloques: Quéreme ben, destinado ao alumnado de 1º e 2º da ESO e onde se tratou o amor romántico e a violencia de xénero, e Sexo sentido, onde se traballou a igualdade de xénero, os estereotipos e os roles que desempeñan as mulleres e os homes na sociedade. Esta última parte dirixiuse a mozos que cursan 3º e 4º de ESO.

Fuente: Nh Diario