Redacción – 07:51 10/03/20A entidade ofrece este programa aos clubs deportivos do Municipio de Carballo, que consta de sesións informativas e formativas tanto para xogadores/as como para os/as adestradores/as, persoal técnico e responsables do club.
As sesións destinadas aos\/as xogadores/as serán adaptadas a cada grupo de idade e versarán sobre o abuso de sustancias e o mal uso das novas tecnoloxías. En canto ás sesións destinadas ao persoal técnico, adestradores e directivos profundarase nas pautas de detección de adicción entre os seus xogadores/as, co fin de que actúen de mediadores na detección de situacións de risco.
Este programa ten como finalidade o dotar de información real e veraz achega do consumo de sustancias, os seus efectos e consecuencias e sobre o mal uso das novas tecnoloxías que poden derivar en problemas de adicción e outras situacións conflictivas como o ciberbullying, roubo de datos, estafas, etc. Trátase de potenciar os factores de protección que doten aos participantes de maior coñecemento e habilidades e de resistencia á presión de grupo de iguais tan significativa nestas etapas evolutivas.
A Asociación Vieiro de Carballo invita a todos os clubs deportivos que desexen participar nesta iniciativa póñanse en contacto con esta Asociación (981.75.61.61) para determinar datas e horarios para o seu implantación no club.
Comments